Giaprobahan sa Sangguniang Panlungsod ang SP Resolution no. 158-2023 isip pagtugot kang Mayor Ronnie Vicente Lagnada pinaagi sa City Government sa Butuan sa pagpirma sa Memorandum of Agreement kun MOA tali na sa Philippine Statistics Authority Regional Statistical Services Office RSSO XIII mahitungod sa pagpatuman sa Philsys Birth Registration Assistance Project PBRAP. Tinguha sa lokal nga panggamhanan kabahin ani nga proyekto nga motaas ang civil registration sa mga marginalized communities ilabina ang sektor sa Indigenous People, Muslim Filipinos ug kadtong ubang sektor nga mas nakasinati sa sobrang kalisod nga walay kapasidad nga mobyahe padulong sa City Registrar’s Office. Subay niini gitugutan usab sa City Government sa Butuan pinaagi ni Mayor Ronnie Vicente Lagnada ang pagpahigayon og mobile registration aron makasiguro nga mahatod ang serbisyo sa tanan. Kini nga pagtinabangay sa PSA, DILG ug lokal nga panggamhanan sa Butuan pinaagi sa City Civil Registrar’s Office pinasubay sa Philippine Identification System Act (Republic Act no. 11055) aron marehistro na ang mga indibidwal nga wala pa narehistro.