“For our plans and our programs, we can externally source it out. So we don’t rely on our internal funds, that’s why Department Heads, you do the budget, we find other sources to increase our funds. Do the planning and I will help.” Kini ang tipik sa mensahe ni Mayor Ronnie Vicente Lagnada atol sa natigayong Budget Forum kagahapon sa SP Session hall. Buot ni Mayor Lagnada nga mamintina ang partnership sa national agencies, bangko ug private sector alang sa industry building ug modaghan ang resources aron motaas ang income sa syudad sa ingon matubag ang tanang panginahanglanon pinaagi sa paghatag sa malahutayong social services ug mapadayon ang mga big ticket projects sa sector sa imprastraktura ilabina nga mobo gihapon ang National Tax Allocation o NTA alang sa 2024. “If we really want this city to improve we really need to create more industries and create for Butuan more entrepreneurial approach. Paano tayo makabigay ng magandang serbisyo kung wala tayong resources. Focus muna tayo sa industry building para dadami ang ating resources, kung marami na tayong pera then we can address our gaps sa social sector, education, health, social services, yun po ang direction.” dugang mensahe ni Mayor Ronnie Vicente Lagnada. Tutukan sab niini ang disaster preparedness program, peace and order, sugdan na ang major junction aron masulbad ang problema sa huot nga trapiko ug ang paghuman sa state-of the-art command center, pinaagi sa pag-adopt sa teknolohiya sa Taiwan. Gipasigarbo sab niini ang hapit na nga mahuman nga feasibility study sa International Seaport sa Barangay Lumbocan ning syudad. Himuon ang pakig-alayon sa environment agencies alang sa pagtabang sa duha ka agusan province tungod usa kini nga tinubdan nga makapa-uswag sa ekonomiya sa syudad. I-develop sab niini ang mga areas nga pwede mahimong park ug usa niini ang Mt. Mayapay ug ang Barangay Tungao alang sa tourism industry. Magpadayon usab ang pagkanaug sa barangay level alang sa pagpatuman sa Community-Based Monitoring System kun CBMS, pagpalapad sa suporta sa mga mag-uuma pinaagi sa irrigation, ekipo, materyales ug technical trainings. Buot sa opisyal ang kompletong data hinungdan gitutukan niini ang data management center aron mas sayon ang pagpatuman sa mga programa ug proyekto. Admitado si Mayor Lagnada nga layo pa ang Butuan sa gitinguhang kalambuan apan paningkamutan niini nga magpadayon hangtud makab-ot ang tinguha nga mulambo ang syudad pinaagi sa tabang ni Congressman Jose Aquino II, Vice Mayor Lawrence Fortun ug mga SP members.