Gipaningkamutan sa lokal nga panggamhanan sa Butuan pinaagi ni Butuan City Mayor Ronnie Vicente Lagnada ang pagpanindot sa Butuan Medical Center kun BMC building ug facilities aron mahatag sa katawhang Butuanon ang kalidad nga health care services. Natahasan ang City Engineering Department sa lokal nga panggamhanan sa Butuan sa pagpatuman sa proyekto alang sa pagpangandam nga mamahimong Hospital Level lll ang BMC. Kung mahimong level lll hospital ang BMC boot pasabot niini nga ang BMC pasado nga mahimong teaching and training hospital para sa mga Medical Interns ug mga buot mahimung espesyalista sa Medisina. Modaghan na sab ang mga dekalidad nga doktor nga mosulod sa Butuan Medical Center.