Gidasig ni Vice Mayor Lawrence Fortun ang City Civil Registrars Office nga palapdan ug tutukan ang paghatag og serbisyo sama sa pagpangrehistro sa mga Butuanong nagpuyo sa hilit nga dapit sa syudad sa Butuan. Labing tutukan ang mga naglisud na sa pagkanaug sa sentrong bahin sa syudad gumikan sa kalisud ug taas nga oras sa pagbyahe ingonman walay igong kapasidad sa pagbyahe tungod usab sa problemang pinansyal. Kini human gipresentar sa nasangpit nga buhatan ang redesign structures subay sa comprehensive reorganization plan atol sa natigayong 35th Sangguniang Panlungsod Session. Alang sa opisyal ang pag revitalized sa istruktura usa sa paagi sa pagpalig-on sa serbisyo aron ma-angkon ug mapahimuslan na sa mga residente ang inklusibo ug patas nga mga benipisyo. Gipasabot sab niini nga ang reorganization plan nagtumbok sa paspas nga paghan-ay sa mga bag-ong posisyon sulod sa usa ka buhatan sa lokal nga panggamhanan sa Butuan tungod mao kini ang makatubag sa tanang panginahanglan asa mas dali usab ang paghatag ug pagpausbaw sa serbisyo sa katawhan hinungdan gisuportahan niini ang human registry alang sa kaayuhan sa tanan.