𝗣𝗔𝗚𝗣𝗔𝗟𝗔𝗠𝗕𝗢 𝗦𝗔 𝗦𝗜𝗬𝗘𝗡𝗦𝗜𝗬𝗔, 𝗧𝗘𝗞𝗡𝗢𝗟𝗢𝗛𝗜𝗬𝗔 𝗨𝗚 𝗜𝗡𝗢𝗕𝗔𝗦𝗬𝗢𝗡, 𝗦𝗘𝗡𝗧𝗥𝗢 𝗦𝗔 𝗚𝗜𝗛𝗜𝗦𝗚𝗨𝗧𝗔𝗡 𝗦𝗔 𝗖𝗢𝗡𝗦𝗨𝗟𝗧𝗔𝗧𝗜𝗩𝗘 𝗠𝗘𝗘𝗧𝗜𝗡𝗚
October 18 2024, Friday 09:29 AM
Usa ka consultative meeting kabahin sa Science, Technology, ug Innovation, nga gipangunahan ni City Councilor Cherry May Busa, isip President usab sa ICT Council Caraga, ang gipahigayon sa Go Hotels kagahapong adlawa.
Nahimung Speakers sila Marilyn Montano, CEO sa TeamApp ug Vice President sa Animation Council of the Philippines, ug Esme Palaganas, designer ug growth strategist, DTI Caraga Assistant Regional Director Brenda Corvera nga nagpaambit og bililhon nga mga panan-aw kabahin sa mga oportunidad sa trabaho sa digital creative services ug sa importansya sa AI literacy ug ethics.
Nahisgutan usab ang mahitungod sa kung unsa ang paagi aron ilakip ang art appreciation sa kurikulum ug pag-capacitate sa mga estudyante niini.
Gihingusgan sab ni Konsehal Cherry May Busa nga makapanday sa balaudnon aron sa paglambo sa Siyensya, Teknolohiya ug Inobasyon.
Mipaabot sa ilang mga pangutana ang mga partisipante kabahin na sa animation ug uban pang mga SciTech innovation nga natubag usab sa mga resource speakers.
Gilauman nga mapatuman ang mga rekomendasyon gikan sa meeting aron masuportahan ang paglambo sa Butuan City sa Science and Technology innovation.
Ang maong consultative meeting nahimo pinaagi usab sa DTI Agusan del Norte ug DTI Region XIII sa ilang CREATIVES Industry Event nga giapilan sa mga experts gikan sa Animation Council of the Philippines and Innovation Createch!
Mitambong sa Consultative Meeting ang mga representante gikan sa DepEd, CHED, PISAY, DOST, DTI, City Tourism and Cultural Affairs Department, NEDA, DICT, Minda, ug mga miyembro sa ICT Council.
NEWS ARTICLES