Muabot sa 3000 Rice Farmers sa syudad sa Butuan ang nakabenipisyo sa Fertilizer Discount Voucher o libreng fertilizer ilawom sa National Rice Program ug Masaganang Rice Program sa pagtinabangay sa LGU Butuan pinaagi sa City Agriculture and Veterinary Department ug Department of Agriculture Caraga. Mukabat kini sa kapin 22.5 million pesos nga fertilizer aid alang sa mga Rice Farmers sa dakbayan sa tinguhang padayong maabot ang pagpadako sa rice production. Usa kini ka one-time nga pagamit sa vouchers nga makuha gilayon sa mga napiling accredited fertilizer merchant. Gipalig-on ni Mayor Ronnie Vicente Lagnada ang partnership sa DA Caraga pinaagi sa National Rice Program aron mokunhod ang gasto sa mga mag-uuma apan modako ang income. Gawas sa suporta sa fertilizer gipakusgan ug committed sab ang City Agriculture and Veterinary Department nga tabangan ang mga mag-uuma nga mahimong competitive ug mosunod sa mga inobasyon ug batunan ang farm management practices. Gikalipay sa mga Rice Farmers nga nakabenipisyo kini sa libreng fertilizer tungod dili na kini maka gasto og dako karon nga cropping season. Ang kalihukan molungtad karong adlawa.