Suportado ni Butuan City Mayor Ronnie Vicente Lagnada ug City Councilor Rey Desiata ang pagmugna sa City Department of Interior and Local Government sa Butuan City Comprehensive Development Plan CDP tuig 2026-2031 nga gipahigayon sa Grand Palace Hotel miaging semana. Usa ka writeshop ang gipahigayon nga milungtad sa duha ka adlaw. Gipresentar ni City DILG Local Government Operations Officer VI Atty. Florian Faith Bayawa, ENP ang guidelines ug gidiskusyunan ang pagmugna sa Comprehensive Development Plan. Importante sa DILG ang Comprehensive Development Plans (CDPs) tungod usa kini sa multi-sectoral plans nga mogiya sa mga local government unit sa ipatumang kalambuan sa komunidad nga kinahanglang mosubay sa roadmap ug national goals. Maghatag sab kini sa framework aron dunay direksyon ang economic ug social development sulod sa territorial jurisdiction sa usa ka LGU. Misalmot sa kalihukan ang pipila sa mga empleyado sa LGU Butuan, Civil Society Organizations ug mga barangay.