Gisalmutan ni City Councilor Cherry May Busa ang paglusad sa Digital Innovation for Women Advancement kun DIWA sa Chardonnay, Astoria Pasig City miaging semana. Kini nga kalihukan dunay dakung kabahin sa ASEAN Girls sa ICT Policy Summit nga nagtinguha sa pagpauswag sa kahanas sa mga kababayen-an sa sektor sa Information and Communication Technology ug alang usab sa advance ug gender equality ug pagpagahum sa mga kababayen-an sa industriya. Ang paglusad sa DIWA usa sa makadani sa mga kababayen-an nga molambigit ug magpasiugda sa pag-adopt sa bag-ong teknolohiya pinaagi sa maayong paghatud sa insaktong komunikasyon ug impormasyon nga maghatud padulong sa pagmugna og inklusibo ug malungtarong digital nga kaugmaon. Nahisgutan sab atol sa programa ang pagpanalipod sa tanang katungod sa mga kababayen-an ug kabataan batok sa tanang gender-based violence. Nagtambayayong sa kalihukan ang DICT pinaagi ni Usec Atty. Jocelle Batapa-Sigue, International Telecommunications Union ITU ug Australian Government Department of Foreign Affairs DFA.