Daku ang kalipay sa mga residente sa Barangay Bitan-agan ning syudad sa gibutang nga reinforced concrete box culvert sa ilang dapit tungod dili na sila maglisod sa pagtabok ilabina panahon sa kusog nga ulan. Kahinumduman nga kaniadto lisod pa ang ilang kahimtang labi na kung mag-ulan nga makapadako sa tubig sa creek asa rason nga dili daling makatabok tungod sa kakusog sa sug sa tubig baha. Mapasalamaton usab ang mga opisyales sa Barangay Bitan-agan sa pagpanguna ni Punong Barangay Ricardo Magpatoc sa kadumalahan ni Mayor Ronnie Vicente Lagnada nga nahimung instrumento sa daghang kalambuan nga nakaabot sa barangay. Ang proyekto gipatuman sa LGU Butuan pinaagi sa City Engineers Office.