Gipahigayon sa Committee on Sports and Recreation ang usa ka Committee Hearing miaging semana alang sa pagporma og Technical Working Group kun TWG aron makabuhat og komprehensibong ordinansa para sa pag institutionalize sa Outstanding Stakeholders and Sangguniang Kabataan Recognition kun OSSKAR. Gilangkuban ang TWG sa Chairman sa Committee on Youth, Sports and Recreation City Youth and Development Office, Department of Interior and Local Government, City Sports Office, City Youth and Development Council, City Budget Office, SK Federation Officers, City Legal Office, ug SP Legal Research Unit. Ang OSSKAR usa ka aktibidad nga maghatag og pag ila sa mga kabataan sa syudad sa Butuan partikular sa mga SK Officials sa mga Barangay. Kung ma institutionalize na kini mahilakip na sa OSSKAR ang mga youth ug mga stakeholders sa syudad. Kahinumduman nga gipahigayon ang pinakaunang OSSKAR naidtong tuig 2022 asa daghan nga mga SK Officials ang na rekognisa lakip ang ilang mga inisyatibo sa ilang mga ka baranggayan. Sa meeting anaa ang presensya nila Konsehal Cherry May Busa, Cromwell Nortega, John Gil Unay ug Vincent Rizal Rosario. Gilauman nga sugdan ang meeting sa TWG karong Marso 16, 2023.