Garbo sa syudad sa Butuan ang bag-o na usab nga kalampusan sa mga Butuanong mag-uuma asa mi-arangkada sa national level. Gi-ila nga National Finalist sa 50th Gawad Saka Parangal sa mga Natatanging Magsasaka ug Mangingisda ang Butuanon Young Farmer nga si Joel Vincent Cabanacan sa Barangay Pinamanculan Butuan City sa Outstanding Young Farmer category. Ang Sumilihon-Taguibo Farmers Agriculture Cooperative SUTAFACO nga gidumala ni Lydia Aparre sa Outstanding Kadiwa Agri-Fishery Enterprise category ug ang Barangay Baan Farmers Association Inc. nga gidumala ni Edwin Alwag sa Outstanding Small Water Irrigation System Association SWISA category. Ang mga finalist midawat og Certificates of Recognition asa personal nga gitunol ni Department of Agriculture Secretary Francisco Tiu Laurel Jr., ug nagpaabot sa dakung pasalamat sa dedikasyon, innovation ug kontribusyon sa pagpausbaw sa sector sa agrikultura sa nasud. Ang Gawad Saka Awards nagahatag og pasidungog sa talagsaong indibidwal ug grupo sa sector sa agriculture ug fisheries asa nagsilbing modelo sa kalidad, lig-on ug malungtarong food production. Ang prestihiyusong pasidungog gipangunahan sa Department of Agriculture asa natigayon sa Philippine Trade Training Center sa Pasay City Mayo 26.