Pormal nang gi turn-over sa Father Saturnino Urios University - Data Science and Analytics Center (DSAC) sa City Government of Butuan ang OSCA Management and Information System, imaging semana sa CBE Function Hall, FSUU. Ang OSCA-MIS ang magpadali sa proseso ug maghatag og epektibo nga mga lakang aron mapapaspas ang paghatag og serbisyo sa mga tawo hilabi na sa mga senior citizen sa syudad. Ang FSUU ang nakadaug sa programa sa DOST PECIEERED. Ang mga gipilian kinahanglan magmugna og sistema nga adunay kalambigitan sa social welfare sa katawhan sa syudad. Ang mga senior citizen ang nahimo nga recipients sa proyekto aron mahatag ang mas komprehensibong programa alang kanila pinaagi sa mga datus hilabi na sa mga barangay sa syudad. Gikalipay sa Lokal nga Panggamhanan sa pagpanguna ni Butuan City Mayor Ronnie Vicente Lagnada ang programa. Atol sa turn-over ang presensya sa mga personahe sa FSUU, Konsehal Cherry May Busa, Konsehal Victor Plaza, ug Engr. Noel Ajoc. Anaa usab ang mga representatives gikan sa Liga ng mga Barangay, CHO, CICTO, OSCA, ug CSWD.