Malampuson nga gipahigayon ang duha ka adlaw nga Organization Strategic Planning and Strengthening Workshop nga gipangunahan sa City Economic and Business Development Department - Cooperative Management Section sa Southville Hotel and Convention Center, Barangay Villakanangga ning syudad, miaging semana. Lakip nga gihisgutan ang organizational structure ug ang pagbuhat og Strength, Weaknesses, Opportunity, and Threat kun SWOT ug logical framework. Gisalmutan ang workshop sa upat ka kooperatiba nga gilangkuban sa Tag-anahaw Farmers Agriculture Cooperative, De Oro Agrarian Reform Beneficiares Cooperative, Mandamo Integrated Farmers Association, ug Taligaman Agrarian Reform Beneficiares Association. Kauban sa Cooperative Management Section ang Department Trade and Industry Agusan Del Norte. Ang kalihukan suportado ni City Mayor Ronnie Vicente Lagnada sa tumong nga ma suportahan og insakto ang mga kooperatiba sa syudad.