Gipatuman ang temporaryong pagsirado alang sa tanang klase sa behikulo sa Salvador Calo Street gikan crossing Doongan Road hangtud Lagoon Bridge gumikan sa nagpadayong pagpatuman sa proyektong Rehabilitation sa JCT.BCIR padulong North Montilla Boulevard hangtud Salvador Calo Road ning syudad sa Butuan sa pagpanguna sa Department of Public Works and Highways Butuan City District Engineering Office DPWH-BCDEO. Kini subay sa City Ordinance no. 6805-2023 nga gipangamahan ni City Councilor Vincent Rizal Rosario uban sa mga kaubanang konsehales sa syudad sa Butuan sa suporta ni Vice Mayor Law Fortun asa aprobado ni Mayor Ronnie Vicente Lagnada. Subay niini, gitahasan sab ang LTTMO sa mga precautionary measures ilabina ang pagdumala sa trapiko apil ang pagbutang sa mga road barriers, traffic signs ug uban pa aron masiguro ang siguridad sa katawhan. Nanghinaut usab ang city government sa Butuan pinaagi ni Mayor Lagnada nga musabot ang tanan sa mga kahasol nga namugna sa proyekto. Lauman nga kung mahuman ang mga proyektong gipatuman sa city government ug national government daghan nang mga investors ang modagsa sa syudad aron mobubo og negosyo nga makahatag sa panginabuhian sa tanan ug motaas ang ekonomiya tungod dunay saktong imprastraktura ang dakbayan sa Butuan.