Nahimong sentro sa diskusyon ang proposed resolution ni City Disaster Risk Reduction and Management Department Head Mark July Yap sa gipahigayong Committee Hearing sa Committee on Disaster Risk Reduction - Climate Change Adaptation sa Conference Room 2, Ground Floor, SP Bldg., Cityhall, kagahapon. Ang proposed resolution mao ang pag institutionalize sa protective gear o uniporme sa CDRRMD All-Hazard Local Incident Management Action Team kun CDRRMD ALIMAT. Sumala ni CDRRMD Head Yap nga ang pag buhat niini usa ka paagi para ma identify ang mga rescuer panahon sa emerhensiya tungod dunay mga indibidwal nga dunay kapareho sa ilang ginasout nga uniporme. Ang pag institutionalize sab sa uniporme solusyon sa nakita nga problema atol sa audit sa GAWAD KALASAG miaging tuig nga nakita sa mga auditors. Gi-acknowledge ni Liga ng mga Barangay President Gemma Tabada ang inisyatibo nga gibuhat sa taga CDRRMD para ma plastar ug daling ma ila ang mga personahe panahon sa emerhensiya ug dili makahatag og kalibog sa katawhan. Gani, na diskusyonan ang planong pag buhat og Technical Working Group kun TWG aron maoy mo tutok sa nasangpit nga resolusyon lakip na ang pag buhat og ordinansa aron mapalapdan ug mahingusgan kini para na sa kaayohan sa CDRRMD ALIMAT. Kung ugaling mapasa kini, mao kiniy una sa tibouk nasud nga dunay syudad nga may ordinansa nga mag hatag og standard nga uniform alang sa mga personahe sa CDRRMD. Gawas kay Hon. Tabada, anaa sab ang presensya nila Konsehal John Gil Unay, Konsehal Arturo Gado, Konsehal Eduardo Gonzales, ug Konsehal Victor Vicente Plaza.