Hugtanung giduso ni City Councilor Eduardo Gonzalez sa natigayong 10th Sangguniang Panlungsod Session ang SP Ordinance No. 16-131-2024. Kini ang pag amyenda sa Butuan City Mental Health Care Ordinance (SP Ordinance No. 6299-2021) nga nagtinguha sa pagpalapad ug pagpalambo sa mental health services sa dakbayan sa Butuan. Subay niini, nagkahiusa nga miuyon ang tibook pwersa sa SP alang sa kaayuhan sa tanan ug matabangan ang mga indibidwal nga muatubang sa lain-laing hagit sa kinabuhi pinaagi sa pagbaton og positive relationships, dunay emotional balance ug makabaton sa community engagement. Ang natigayong 10th SP Session gipangunahan ni City Councilor Cherry May Busa isip temporaryong Presiding Officer sa pagtugot ni Vice Mayor Law Fortun pinasubay sa National Women’s Month Celebration.