Nag courtesy call kang City Mayor Ronnie Vicente Lagnada ang 16 ka official candidates sa Mutya Hong Butuan 2023 kagahapong adlawa sa City Mayor's Office. Gipaabot ni Mayor Lagnada ang kalipay tungod human sa tulo ka tuig duna na sab Mutya Hong Butuan. Nanghinaot sab kini nga ma enjoy sa mga kandidata ang ilang journey sa Mutya Hong Butuan. "Wishing you luck,” pahayag ni Mayor Ronnie Vicente Lagnada. Una pa sila nag courtesy call, nipailawom usa ang mga kandidata sa usa ka orientasyon sa City Tourism Office ug gipahibalo kanila ang usa ka bulan nila nga aktibidad adisir ang Coronation Night sa May 17, 2023 sa Sports Complex, Barangay Libertad. Sa karon gipa-andam na ang mga kandidata alang sa ilang mga workshops ug uban pa nga kalihukan.