Gipahigayon ang Joint BCCAT VAWC ug BCCPC meeting sa buhatan sa City Social Welfare Development Department kagahapon. Usa sa gitutukan nga hisgutan ang Online Sexual Abuse or Exploitation of Children kun OSAEC asa nakita ang importansya sa koordinasyon sa mga ahensya aron masugpo kini nga pag-abuso sa kabataan. Nauyunan usab ang pagmugna sa polisiya aron mapaabot ngadto sa City Peace and Order Council ang gikinahanglan nga interbensyon aron mamugna ang OSAEC Council nga mututok niini nga hagit. Atol sa meeting, nakita ang mga polisiya nga kinahanglan aron mas mapauswag ang lakang sa dakbayan nga maprotektahan ang welfare sa kabataan.