Gi-develop sa mga young professionals sa dakbayan sa Butuan ang usa ka Online Junkshop Application nga gitawag nilang ScrapCycle.ph. Tumong sa grupo nga madugangan ang gidaghanon sa ma-recycle nga mga scrap nga mahimong bag-ong produkto pinaagi sa pag-recycle sa mga pabrika, pagpakunhod sa basura sa mga landfill ug kadagatan, pagpalambo sa responsableng pagdumala sa basura, ug pagpanalipod sa atong planeta. Nanguna si Genevieve Navales, usa sa founder sa app, nag design ug nagbuhat sa ScrapCycle.Ph. Si Navales migradwar sa kursong Computer Science sa Caraga State University miaging tuig. Nag sugod ang ScrapCycle.Ph dihang mi-apil sa start up competition sa CSU si Navales kauban ang iyang classmates. Nagsugod sab ang grupo sa Navigatu TBI usa ka start-up incubator sa Butuan City. Pinaagi sa ScrapCycle.ph, gipasayon sa grupo ang pagkolekta sa recyclable waste. Tagline sa ScrapCycle.Ph ang "Transform your trash into cash" tungod kay paliton sa ScrapCycle.Ph ang plastics, metals, e-waste, paper, battery ug glass. Bulan sa Nobyembre miaging tuig, gilusad sa grupo ang ScrapCycle.ph. “Our idea was for us to bring the junkshop to them. Our application features a very easy way to book a waste collection schedule. And when people book a waste collection schedule we will then pick up their recyclables and scraps from their homes or business address and then will pay them for their scraps. Because we want to let people know that their scraps have value, their recyclables have value in them and it’s actually quite in demand in the market,” pahayag ni Genevieve Navales, CEO and founder sa app. Sayon lang gamiton ang app, idownload lamang kini sa Google Play Store, iclick ug ibutang lang ang mga nag unang nga impormasyon nga gikinahanglan sama sa pangalan, address, mode of payment, ug adlaw kung kanus-a kini ipick up. “We just want to be the gateway for people to easily get rid of their recyclable waste in a sustainable way that’s easy for them to be consistent with it,” dugang pahayag ni Genevieve Navales. Sumala sa Chief Marketing Officer sa ScrapCycle.ph nga si Jerelle Vince Salvaña, anaa na sa 20 ngadto sa 25 ka koleksyon ang ilang nahimu matag adlawng Sabado. Apan gipasalig niini nga mag abli pa sila og dugang schedules sa umaabot. Nahimong inspirasyon sa mga young professionals ang usa ka lungsod sa Japan nga gitawag nga Kamikatsu-zero waste town, nga saunang panahon sama ra pod ang Kamikatsu sa uban lugar nga nag lisud unsaon pag labay sa basura. Admitado ang ScrapCycle.ph nga naka align sa panginahanglan sa Butuan ang ilang mga tumong sa paglusad niini nga app. Bisan sa gamayng paagi, makatabang matud pa sila sa lokal nga panggamhanan sa Butuan sa pagkolekta sa mga recyclable waste. “ScrapCycle goals clearly aligned with what the government needs in Butuan. Because first of all, the landfills that we have here are already pushed to their capacity. If scrap cycle exists and we can at least help the government in the collection of recyclables then I think it would significantly help reduce the amount of waste that would end up in landfills,”. Kauban karon ni Navales sa pagpadayon sa app si Jerelle Vince Salvaña nga migradwar sab sa CSU sa kursong Biology ug karon Chief Marketing Officer ug si Arthur Babor, Chief Operations Officer, nga dunay kaugalingong Junk Shop. Gi-awhag nila ang katawhan sa pag suporta sa app nga ScrapCycle.Ph pinaagi sa pag download niini sa Google Play Store og pag gamit niini.