Nagpahigayon og Benchmarking Activity ang Office of the Building Official sa Iligan City sa pagpanguna ni Leonardo Hamoy, OBO Department Head II sa mismong mga buhatan sa Office of the City Building Official kun OCBO ug City Planning and Development Office kun CPDO sa lokal nga panggamhanan sa Butuan kagahapon. Kini aron masayran ang mga gipatumang evaluation performance measures ug best practices sa duha ka buhatan. Usa-usa nga gipresentar sa OCBO Butuan pinaagi sa Department Head nga si Engr. Cyril Sanchez ngadto sa mga bisita ang mga gipatumang best practices nga naglangkub sa Geotagging, Building Permits and Information System kun BPIS, Order of Payment ug Evaluation Sheet. Subay niini, gipasigarbo sa OCBO Butuan sa mga bisita ang pinakataas nga nadawat nga applicants sa building permits miaging tuig asa miabot sa 8,560 nga usa sa hinungdan nga nakatapataas sa pondo sa panudlanan sa syudad sa Butuan. Isip dunay dakong tahas sa planning ug zoning sa syudad sa Butuan gipresentar usab sa CPDO sa pagpanguna ni Engr Iris Joy Caňete-Galaura ang CPDO Organizational Chart, Locational Clearance Application Process ug Ways Forward. Gidayeg sa mga bisita ang dakung kalambuan sa Butuan ilabina ang striktong pagmonitor sa performance ug dagan sa tanang proseso nga muagi na system.