Mipailawom sa New Employee Orientation kun NEO onboarding program sa Sangguniang Panlungsod ang mga bag-ong napili nga opisyales sa dakbayan sa Butuan. Usa-usa nga mi-ingkod ang mga bag-ong opisyales sa hawanan sa SP atol sa gipahigayong 20th Regular SP Session sa pagpangulo ni Butuan City Vice Mayor Lawrence Fortun. Tinguha niini nga matun-an ug maka obserbar ang mga opisyales sa disenyo ug pamaagi sa governance ug trabaho niini isip bag-ong tigpanday og balaod sa syudad sa Butuan. Sa natigayong oryentasyon mismong si Vice Mayor Fortun ang nanguna niini asa gihisgutan ang Organizational Overview, Performance Management, The Legislative Process ug Internal Rules ug Procedures. Kini nga inisyatibo nagpakita sa commitment sa LGU Butuan alang sa epektibo ug dunay transparensiya nga programa ug serbisyo. Sugod Hulyo 1 opisyal nang moingkod sa posisyon ang mga bag-ong opisyales sa dakbayan sa Butuan.