Gisugdan na kagainang buntag ang kick-off activity alang sa kasaulogan sa 2023 National Women's Month. Dunay funwalk, Zumba ug hamubong programa. "Ang mga kababaihan daku kaayo og role diha sa komunidad, diha sa pamilya, diha sa pagpalambo saatong nasud." Mensahe ni Konsehal Cherry May Busa, Chairperson sa Committee on Family, Women and Children's Welfare. Karon nga bulan mas gihingusgan pa ang mga aktibidad ug mga adbokasiya alang sa mga kababaihan para mas mahatagan og atensyon ang mga babaye labi natong naabuso. Duna sab usa ka bulan nga paghatag og importansya lakip respeto alang sa mga sakripisyo nga gibuhat sa mga babaye pinaagi sa giandam nga mga aktibidad. Gipa ila ila sab atol sa programa ang mga kandidata sa Gng. Butuan 2023 asa nga mangita og angayan nga modala sa titulo ug mahimong inspirasyon sa usa ka empowered nga babaye. Ang Lokal nga Panggamhanan sa Butuan sa pagpanguna ni City Mayor Ronnie Vicente Lagnada hugot nga nag suporta sa nasyonal nga kasaulugan pinaagi sa nagkadaiyang mga aktibidad ug mga programa alang sa mga babaye.