Malampuson nga natigayon ang National Simultaneous Earthquake Drill kun NSED sa Taligaman National High School nga gipartisiparan sa mga estudyante ug mga magtutudlo sa tunghaan, miaging semana. Gipakita ang pamaagi sa ilang evacuation area isip 1st level sa NSED. Human sa drill, gi-presenta ang mga na obserbaran sa aktibidad. Na obserbahan nga organize ang evacuation area ug well coordinated ang mga estudyante ug magtutudlo. Tungod niini nakuha nila ang very satisfactory rating. Gipangunahan ang aktibidad sa City Disaster Risk Reduction and Management Department kauban ang 15th RCDG, ug DepEd Butuan City Division. Suportado sa lokal nga panggamhanan sa pagpanguna ni Mayor Ronnie Vicente Lagnada ang kalihukan sa tumong nga ma andam ang katawhan particular ang mga estudyante ug magtutudlo sa posible nga kusog nga linog ug makahibalo na sila sa ilang buhaton. Ang Taligaman National High School mao ang Local Ceremonial Site ning tuig para sa NSED.