Gi obserba karong bulana ang National Deworming Month ug Schistosomiasis Awareness and Mass Drug Administration Month asa hugtanong nanawagan ang City Health Department pinaagi sa mga Main Health Centers. Gi awhag ang tanan nga residente sa matag barangay nga adunay nahibaw an nga nag edad usa ka tuig hangtud 19 anyos nga moduol sa inyong mga health center sa barangay para sa libre nga purga. Sa mga residente usab nga nag puyo sa mga barangay nga endemic sa schistosomiasis ug nag edad singko anyos hangtud 65 anyos libre nga moduol sa health center aron mahatagan sa tambal ug malikay sa sakit. Isip pagsaulog sa kalihukan, aktibo sab nga nagpahigayon og mga information dissemination ang mga personahe sa CHD sa matag barangay sa syudad. Samtang, nagpadayon sab ang pagbisita ug pagpanghatag sa mga nurses, midwives, ug Barangay Health Workers sa mga tambal sa mga residente. Mandato ni Butuan City Mayor Ronnie Vicente Lagnada nga mas ipaduol ang mga serbisyo ngadto na sa mga residente ug kanunay ang monitoring nga ginabuhat para sa datos sa mga kaso nga sama niini.