Gatusan ka mga aplikante ang nisanong sa SM City Butuan JOB Fair aron mangaplay sa nagkadaiyang bakanteng trabaho, miaging semana. Sumala ni Kirt Koel Ugmod, SM City Butuan Mall Manager usa kini ka oportunidad sa katawhan nga maka pangita og trabaho lakip na nga makatabang sa economic growth sa Butuan ug sa tibouk Caraga. Sa 427 ka aplikante, 54 niini Hired on the Spot kun HOTS. Usa sa Hired on the Spot si Grace Galea sa iyang gi-applyan sa SM Supermarket isip Cashier. Gikalipay niini ang pagdawat kaniya tungod ang mamahimung kitaon niya isip Cashier magamit niya sa adlaw adlaw nilang panginahanglanon. Gawas sa trabaho nga gitanyag sa JOB Fair, duna sab uban nga serbisyo sama sa SSS, Pag-ibig ug uban pa. Nanguna sa aktibidad ang SM City Butuan kauban ang Department of Labor and Employment kun DOLE ug Public Employment Service Office kun PESO.