𝗡𝗔𝗚𝗞𝗔𝗟𝗔𝗜𝗡-𝗟𝗔𝗜𝗡𝗚 𝗞𝗟𝗔𝗦𝗘 𝗦𝗔 𝗦𝗘𝗘𝗗𝗟𝗜𝗡𝗚𝗦, 𝗚𝗜𝗧𝗔𝗡𝗨𝗠 𝗦𝗔 𝗡𝗔𝗧𝗜𝗚𝗔𝗬𝗢𝗡𝗚 𝗧𝗥𝗘𝗘 𝗣𝗟𝗔𝗡𝗧𝗜𝗡𝗚 𝗔𝗖𝗧𝗜𝗩𝗜𝗧𝗬
January 28 2025, Tuesday 08:28 AM
Daghan ang mga niapil sa gipahigayong Tree Planting Activity sa City Environment and Natural Resources Department kun CENRD sa Barangay Pianing ning syudad kaganinang buntag.
Dunay oryentasyon nga gibuhat ang buhatan una pa ang aktibidad para ipakita sa mga partisipante ang insakto nga paagi sa pagtanum sa seedlings.
Ang seedlings nga gitanom gilangkuban sa Durian, Rambotan, Lanzones, ug Mangosteen.
Mapasalamaton ang Barangay Officials sa Barangay Pianing human napili ang ilang Barangay nga tamnan sa mga seedlings. Daku kini og tabang para kanila labi pa nga daghan sa ilang lote ang bakante pa og kinahanglan tamnan.
Gikalipay ni CENRD Department Head Engr. Albert Arcamo ang partisipasyon sa mga estudyante sa Agusan National High School, empleyado sa Lokal nga Panggamhanan sa Butuan, taga DENR CENRO Nasipit, EMB, DENR Caraga, TASC, BCWD, BJMP, SWAT, ug uban pa.
Kini nagpamatoud nga ang mga residente nahimo ng magbinantayon sa kinaiyahan.
NEWS ARTICLES