Malampuson nga napahigayon ang Annual Water Bird Census sa Barangay Masao ning syudad. Daghan sa mga species ang nakita dihang gipahigayon ang Bird Census nga gilangkuban sa pacific golden plovers, javan pond heron, marsh, sandpipers, whiskered terns, egrets ug stilts. Ang pagpahigayon sa census importante sa kinaiyahan aron makita og duna bay pagtaas sa mga langgam o kaha nakuhaan ang populasyon niini. Makita sab pinaagi niini ang kondisyon sa mga wetland sa dakbayan. Mao kini ang pinakaunang Annual Water Bird Census ug gilauman nga mapahigayon ang ikaduhang census karong Enero 22 sa Barangay Lumbocan. Gipangunahan ang aktibidad sa DENR CENRO Nasipit kauban ang City Environment and Natural Resources Department kun CENRD, Barangay Officials sa Barangay Masao, Department of Environment and Natural Resources Caraga, Provincial Environment and Natural Resources Office, ug Environmental Management Bureau.