Misalmot sa natigayong pag obserba sa Earth Hour ang Robinsons Place Butuan, adlawng Sabado. Nagkadaiyang aktibidad ang gipahigayon sa mall isip pagpakita og suporta sa kalihukan sa Earth Hour. Dunay Recyclable Arts Pieces Exhibit ni Renante Dublois, Pledge for the Earth Hour Freedom Wall ug Earth Hour Film Showing. Gipalong ang suga sulod sa mall alas 8:30 sa gabii ug nagdagkot og kandila aron sa pag-awhag sa tanang katawhan sa pagpalong sa mga non-essentials lights sa panimalay, mall, business establishment, eskwelahan, opisina ug uban pa. Mapasalamaton si Ms. Honeylou Bueno, Forester 1 sa CENRO Nasipit tungod sa inisyatibo sa pag-apil sa tinuig nga kampanya sa Earth Hour. Ang Earth Hour usa ka tinuig nga kampanya nga naghatag og atensyon sa katawhan sa epekto sa climate change. Usa sa nakita nga pamaagi nga makatabang sa pagkunhod sa climate change mao ang pag palong sa non-essentials lights.