Gipahigayon ang Medical Outreach of Various Essential Services kon M.O.V.E.S sa Barangay Tiniwisan ning syudad, Abril 25. Daghan sa mga residente ang nakabenepisyo sa nagpadayon nga pagbisita sa mga personahe sa Ampayon Health District Zone sa mga nagkadaiyang barangay sa syudad. Sobra gatos sa mga residente ang naka benepisyo sa gitanyag nga serbisyong medikal ug dental. Anaa sa 94 ka kliyente ang naserbisyohan sa Medical Consultation. Daghan usab ang nagpa laboratory test asa 48 ka kliyente ang nag Fasting Blood Sugar (FBS); 36 ka indibidwal ang nagpa Uric Acid Test; 30 ka indibidwal ang nagpa Complete Blood Count (CBC); anaa sa 49 ka indibidwal ang nagpa test sa Urinalysis; ug 14 ka indibidwal ang nagpa Blood Typing. Daghan usab sa mga residente ang naka benepisyo sa Dental Consultation ug Extraction nga nikabat sa singkwenta ka indibidwal. Nikabat sa pito ka mga kababayen-an ang mipahimulos sa Progestin Sub-dermal Implant kon PSI ilawom sa Family Planning Program. Ang pagpaduol sa mga libreng serbisyo ngadto sa mga kabarangayan usa sa prayoridad ni Mayor Ronnie Vicente Lagnada hilabi na sa hisgutanan sa panglawas. Katuyuan sa pagbisita nga mahatag sa mga residente ang mga nag unang serbisyo nga ilang gikinahanglan sa hisgutanang panglawas.