Gipahigayon ang pinirmahay sa Memorandum of Agreement kun MOA tali na sa Mutya Hong Butuan 2023 candidates, Mutya Hong Butuan Committee ug City Government sa Butuan. Katuyuan niini aron mahatag sa mga kandidata ang full commitment ug mapasabot kanila ang ilang mga responsibilidad panahon sa mga rehearsals hangtud na sa Coronation Night ug ang katungdanan sa mamahimong koronahan nga Mutya Hong Butuan 2023 isip Ambassadress of Goodwill sa LGU Butuan sa tibuok tuig nga naghawid kini sa titulo. Sumala ni Mutya Hong Butuan 2023 Chairperson, Atty. Yvette Samper usa sa tinguha sa MOA signing mao ang mapahapsay ang dagan sa kompetisyon “Usa kini sa agreement between candidates and the consultants as well as the city government sa Butuan regarding sa i-conduct nga search for Mutya Hong Butuan. Then para mas hapsay ang coronation night ug during practices and rehearsals para naay mo govern sa ilahang roles and responsibilities especially sa candidates,” pahayag ni Atty. Yvette Samper, Mutya Hong Butuan 2023 Chairperson. Apil sa kasabutan ang pagsalmot sa mga naka schedule nga corporate visits ug workshop. Nakalatid sab sa MOA nga ipresentar ang kaugalingon sa tanang panahon nga dunay respeto ug dignidad, usa ka indibidwal nga dunay maayong pamatasan, role model sa uban bisan wala na sa kompetisyon, physically ug mentally fit. Gidid-an ang mga kandidata sa posting, commenting, blogging, sharing ug uban pang pareho nga aktibidad sa bisan unsang social media exposure o online platforms nga makademoralize sa prestihiyosong Mutya Hong Butuan. Ang koronahang Mutya Hong Butuan 2023 dili pwedeng mosalmot sa bisan unsa nga beauty pageant atol sa iyang reign gawas kung kini usa na sa regional, national o international pageant. Apan ugaling mosalmot sa laing beauty pageant kinahanglang dunay written approval gikan sa city government sa Butuan. Gikinahanglan usab nga mosalmot kini sa mga community welfare nga aktibidad, tourism events ug festivals ug uban pang aktibidad sa lokal nga panggamhanan sa Butuan. “The Mutya Hong Butuan 2023 aside from the prize nga half million naa siyay role sa City Government sa Butuan as the ambassadress sa City Government sa Butuan kung at that time wala siya nagwork pwede siya ma invite sa city government sa Butuan to work with city the entire title year niya. Naa siyay mga responsibilities magrepresent sa mga welfare actitivities and other mandatory activities of the city.” dugang pamahayag ni Atty. Yvette Samper Mutya Hong Butuan 2023 Chairperson. Ang MOA signing gisaksihan nila City Tourism Head Atty. Noel Ephraim Antigua, Balangay Festival 2023 Director Richard Dian Vilar, Mutya Hong Butuan 2023 Chairperson Atty. Yvette Samper ug Mutya Hong Butuan 2023 Consultant.Dr. Cyrelle Allan Russel Collado.