Pormal nang gipa ila-ila sa publiko ang deysi sais ka mga kandidata sa Mutya Hong Butuan 2025 South Atrium Robinsons Place Butuan, kagahapon. Tagsa tagsang gitaud ang official sash ngadto sa mga kandidata sa pagpanguna ni Committee on Tourism Chairperson Konsehal Eduardo Gonzalez iug Mutya Hong Butuan Tourism Ambassadress 2023 Arjean Egay. “Our City is open and inclusive, we have ladies all over the country but in this pageant we are looking for someone who will wear the crown with confidence and elegance with a mission to represent Butuan,” sumala ni City Mayor Ronnie Vicente Lagnada. Human sa sashing, dungan nga ni pirma sa kontrata ang dise sais ka kandidata kauban sila City Mayor Ronnie Vicente Lagnada, Vice Mayor Atty. Lawrence Lemuel Fortun ug Konsehal Eduardo Gonzalez. Nahatagan sab og higayon ang publiko nga madungog ang mga kandidata pinaagi sa press conference nga tagsa-tagsa gipangutana sa mga media ug sponsor kalabot na sa social issues, platform, advocacy, ug uban pa.