Mibisita sa lokal nga panggamhanan sa Butuan partikular sa City Treasurers Office ang mga personahe sa Municipal Treasurers Office sa Socorro Surigao Del Norte, kagahapon. Nakapa-engganyo sa mga bisita gikan sa Municipal Treasurers Office Socorro Surigao Del Norte ang taas nga koleksyon sa syudad sa Butuan hinungdan nadasig kining mopahigayon og Benchmarking Activity. Kini aron masayran ang mga best practices nga gipatuman ilabina ang kabahin sa proseso ug istratehiya sa real property collection sa syudad sa Butuan. Garbo sa City Treasurers Office nga usa na ang Butuan City sa ginabisitahan sa ubang local government unit aron masundog ang gihimong best practices uban sa panghinaut nga makatabang kini sa mga bisita. Ang Benchmarking Actvity gipangunahan ni Rebecca Monter, Municipal Treasurer uban sa iyang Asst. Municipal Treasurer nga si Macelle Dela Peňa, Revenue Collection Officers ug uban pang mga personahe.