Nibisita ang mga personahe sa lungsod sa Claver Surigao del Norte sa City Business Permits and Licensing Department sa lokal nga panggamhanan sa Butuan aron mopahigayon og Benchmarking Activity. Personal kining gi-abi abi ni CBPLD Head Atty. Moshi Ariel Cahoy pinaagi sa usa ka produktibong presentasyon sa mga gipatumang best practice, kalampusan ug recognitions sa City Government sa Butuan pinaagi sa City Business Permits and Licensing Departmentg gumikan sa pagpatuman sa ease of doing business ug anti red tape act. Lakip ang nadawat nga special recognition nga nahimong finalist sa 2024 Most Business-Friendly Local Government Unit Awards City Level 1B. Ang City Business Permits and Licensing Department nagpatuman sa Enhanced Tax Revenue Assessement and Collection System ETRACS ug Electronic Tax Order of Payment. Kini ang online platforms aron mas mapadali, mapasayon ug mapahapsay ang proseso sa pagkuha sa business permits. Gipakita sab ni Atty. Cahoy ang mga partners nga Ewallet ug Bank Institution nga gilangkuban sa Paymaya, Landbank of the Philippines ug Development Bank of the Philippines. Ang integration sa mga buhatan sa lokal nga panggamhanan sa Butuan nga gilangkuban sa City Treasury Department, City Accounting Department, City Building Management Department, City Environment ang Natural Resources Department, City Engineering Department ug regional agencies sama sa DTI ug BFP usa sa nagpadali sa proseso sa renewal sa business permits ug pag apply sa bag-ong business permits. Daku ang pasalamat ni Claver BPLO Joan Gigayon ug team sa LGU Butuan sa kahigayunan nga matun-an nila ang mga gipatumang best practices sa City Business Permits and Licensing Department ug ma-apply sa LGU sa Claver.