Gidiskusyunan na atol sa panagtigum ang umaabot nga MSME Week Celebration sunod bulan nga pangunahan sa City Economic and Business Development Department kun CEBDD. Tumong sa aktibidad nga ma suportahan ang mga vendors sa ilang gagmayng negosyo ug pag pangandam na sab kini para sa himoun nga night market sa syudad. Nipasalig ang mga partner offices ug agencies nga mosuporta sama nalang sa Task Force Bantay Butuan kun TFBB sa pag hatag og seguridad atol sa kasaulugan, City Environment Natural Resources Department kun CENRD para sa pag kolekta sa basura aron mahimong malampuson ang himoun nga aktibidad ug maplastar ang mga vendors. Anaa sa 40-50 ka slots ang gitagana alang sa mga vendors. Alang sa dugang impormasyon mamahimo sa pag bisita sa CEBDD o kaha message sa ilang facebook page https://www.facebook.com/cebddbutuan.