Nagpahigayon og duha ka adlaw nga monitoring sa mga Senior Citizen Center ang mga personahe sa City Social Welfare and Development Department kon CSWDD ug mga opisyales sa mga Senior Citizen sa Barangay Maguinda, Florida, Tungao, ug Los Angeles. Sa gipahigayong monitoring gitan-aw kung nasunod ba ang mga suhestiyon sa mga serbisyo base sa finding nga gihatag sa ila sa pres-assessment nga gihimu miaging Disyembre 2024. Gawas sa monitoring nagsilbi usab kini isip coaching session nga gihatagan og mga template ang mga organisasyon aron magamit nila isip giya sa ilang mga report sama sa Annual Report, Work and Financial Plan, Financial Report, Inventory Report ug uban pang dokumento nga gikinahanglan sa ilang operasyon. Sa gihimung focused group discussion ug sa mga dokumento nga gipakita, nasuta nga dunay mga lakang nga gihimo ang matag Senior Citizen Center pinaagi sa ilang mga opisyales kauban ang suporta sa lokal nga panggamhanan aron matuman ang mga sugyot ug rekomendasyon nga gihatag sa pre-assessment. Ang nasangpit nga kalihukan usa ka mahinungdanon nga lakang aron masiguro nga ang mga Senior Citizen Centers magpadayon sa paghatag sa kalidad nga serbisyo para sa mga senior citizen sa syudad.