Gipasidunggan atol sa Creative Caraga Festival ang mga midaug sa Creative Caraga Festival sa South Atrium, Robinsons Place Butuan, adlawng Martes. Nahimong kampeon si John Louie Margate gikan sa San Francisco, Agusan del Sur sa Creative Caraga Branding and Logo Competition. Misunod dayon sila Marie Therese Montero-Clarin gikan sa Butuan City, Evan Jay Asuela gikan Butuan City, Daniel Christopher Macerin gikan sa Surigao City, ug Julie Ar Sibala gikan sa San Jose, Province of Dinagat Island isip Top 5 finalists. Nakadawat sila og plaque ug cash prize isip sa ilang kadaogan. Gigamit karon sa DTI-Caraga ang logo ni John Louie Margate sa Creative Caraga Festival.