Gitunol sa Department of Social Welfare and Development ang libuan nga mga welfare goods ngadto na sa lokal nga panggamhanan sa Butuan alang sa mga residenteng anaa sa mga evacuation center sa syudad. Nag sugod og abot ang mga welfare goods adlawng Domingo. Anaa sa 1,975 ka boxes nga welfare goods ang gi deliver sa DSWD ngadto na sa CSWDD. Dali gilayon kini gi pang apud-apod sa mga apektadong pamilya. Lauman nga magpadayon ang muabot nga tabang gikan sa DSWD ngadto na sa CSWDD tungod sa padayon nga pagtaas sa ihap sa mga evacuees sa syudad nga dala sa pagsaka sa tubig sa may Agusan River. Hugtanong koordinasyon ang ginabuhat sa LGU-Butuan sa pagpanguna ni Butuan City Mayor Ronnie Vicente Lagnada sa tanan opisina ug ahensya aron igong mahatagan og panginahanglanon ang mga evacuees sa syudad. Mapasalamaton sab si Mayor Lagnada sa augmentation gikan sa DSWD.