๐ ๐๐ ๐ฉ๐๐๐๐ง๐๐๐๐ ๐๐๐ฅ๐ ๐๐ฅ ๐ฆ๐ ๐๐๐ฅ๐๐ก๐๐๐ฌ ๐ง๐จ๐ก๐๐๐ข, ๐ก๐๐๐๐๐จ๐ ๐ฆ๐ ๐๐๐๐จ๐ก๐ ๐ ๐๐๐๐ง๐๐ ๐ก๐๐ ๐ง๐๐๐๐ก๐ ๐๐๐ก๐๐๐ ๐ฆ๐ ๐๐๐ฅ๐๐๐ข๐ข๐ฆ๐ง ๐ฃ๐ฅ๐ข๐๐๐๐ง
February 20 2023, Monday 02:01 PM
Daku anga pagtuo sa mga vegetable farmers sa Barangay Tungao ning syudad nga dako ang mattabang sa Agriboost Project sa City Government sa Butuan kanila.
Ang Km7 Farmer Producer Cooperative usa ka integrated nga kooperatiba ug gidumala ni Manager Nilo Calipayan ug duna kini 439 ka myembro asa 26 niini nagtutok sa vegetable farming. Mipasalig sila nga mosupply sa mga gulayon sama sa kalabasa, ampalaya, pipino, opo ug talong.
Gani gidayeg sa kooperatiba ni Calipayan ang Agriboost Project tungod duna kini kontrata o marketing agreement.
โAng programa sa agriboost naay kontrata kana man ang importante ang marketing agreement kay didto sa marketing agreement mao nay akong nakita sa agriboost naay purchase order so dili siya kaikyas sa presyuhan dili siya katuok sa farmers mao nay akong nakita nga advantage sa programa,โ Sumala ni Nilo Calipayan.
Dakung hagit karon sa mga mag-uuma ang climate change tungod daghan na sa ilang mga tanum ang nadaot gumikan sa sunod-sunod nga bundak sa ulan. Dako usab ang kalainan sa pag-ugmad sa kaumahan sa mga vegetable farmers sa KFPC homan mipailawom sa farmers field school nga gipatigayon sa City Agriculturist Office.
โBentaha karon kay daghan training nga naagihan ang mga farmers. Naa nay batasan nga dili maluya kay kaniadto nga mafailure gani dili nana moutro pero karon dasig sila kay naay intervention ang atong gobyerno. Unlike sa una nga wala gyod magsarili gyod ka, karon kay bisag seeds tagaan ka naa pod abono ug mga inputs then kung naay sakit itxt lang muanha dayon ang technician mutabang. Karon advance na sila kay natudluan naman sila sa insaktong technology so ila nana napractice k mao nang makaingon gyod nga winner mulampos gyod sila.โ dugang mensahe ni Nilo Calipayan
Dugang ni Calipayan, modaku ang kita sa mga mag uuma tungod naa may assurance sa il ang produkto.Dugay na matud pang pangandoy sa farmers nga matutukan ang agriculture. Unang higayon matud pa sa syudad nga naay mayor naglantaw sa mga mag-uuma.
Daku ang pagsalig sa mga mag-uuma nga mahalin gayod ang ilang produkto gumikan sa programang agriboost. Tungod niini, mapasalamaton ang mga mag-uuma sa Barangay Tungao sa gimugnang agriboost project sa syudad sa Butuan asa daghang katawhan ang makabenipisyo.
NEWS ARTICLES