Gihingusgan sa City Government sa Butuan pinaagi sa City Agriculture and Veterinary Department nga mapailawom sa oryentasyon ang mga Vegetable Farmers sa dakbayan nga naka-angkon sa Green House Facilities gikan sa Agriboost Project. Kini aron magiyahan ang mga mag-uuma sa pagdumala ug pagamit niini sa ingon masayran ang haum nga mga gulay ang itanum niini. Sa karon ang mga mag-uuma nga naka-angkon og Green House Facilities mao ang mga mag-uuma sa Barangay Nongnong, Basag, Sumilihon, Anticala ug Bit-os. Kini nga mga mag-uuma mao ang bulto nga nagdeliver og gulay sa Agrihub Facility nga nahimutang sa Van Terminal Langihan area. Gipaningkamutan kini ni Mayor Ronnie Vicente Lagnada nga mahatagan sa igong suporta ang mga mag-uuma aron mo-uswag ang kahimtang niini ug makabaton sa igong supply sa pagkaon ang dakbayan sa Butuan.