Mamahimong matangtangan og prankisa ug lisensya ang mga tricycle-for-hire drivers sa dakbayan kung malambigit sa Sexual Harassment samtang namasahero. Kini ang giduso ug gi-move sa SP Resolution No. 16-133-2024 ni City Councilor John Gil Unay, Committee Chairperson sa Franchise and Licenses atol sa 9th SP Session aron daling matubag ang bag-uhay lang nga kaso sa sexual harassment asa usa ka minor ang biktima. Nasayran nga usa ka pasaherong babayeng minor de edad ang nabiktima sa sexual harassment bulan sa Enero ning tuig . Tungod niini daling nagpahigayon og imbestigasyon ang City Transportation and Traffic Management Department homan sa alegasyon batok sa usa ka driver. Sa karon buot sa SP members nga ma-blacklist ang gi-akusahang tricycle-for-hire driver ug matanggalan sa tricycle franchise ilawom sa SP Ordinance No. 16-033-2024 aron dili na makadrive bisan gawas sa syudad alang sa seguridad sa mga pasahero ug komunidad. Gihingusgan sa SP Butuan nga mamintinar ang public order ug safety sa mga kadalanan sa syudad hinungdan gipaningkamutan nga ang bisan kinsang drivers nga makalapas sa balaod makaangkon kini sa hinanaling silot.