Nibisita sa 45th Regular Sangguniang Panlungsod Session ang mga Butuanong Topnotchers sa October 2023 Geodetic Engineering Licensure Examination, Miyerkules. Gi ila ang mga Butuanong Topnotchers nga nibisita sa SP sila Lucille Yu taga Barangay Taguibo nag Top 3 ug Gregorio Yongco Macalisang taga Barangay Ampayon Top 4. Apil sab nga giila sa SP members ang kalampusan sa ubang topnotchers nga sila Rey Joshua Jaque Top 6, Adelyn Boligor Top 8, Donna Mae Labaso Top 9 ug Anlene Jane Eduava Top 10. Giila sa SP members sa kadumalahan ni Butuan City Vice Mayor Lawrence Fortun ang kalampusan nga nakab-ot sa mga Butuanon ug gipasayod kini sa madawat nga cash incentives gikan sa lokal nga panggamhanan sa Butuan. Ang mga topnotchers produkto sa Caraga State University sa Barangay Ampayon ning syudad. Gipaningkamutan sa LGU Butuan pinaagi ni Mayor Ronnie Vicente Lagnada nga magpadayon ang paghatag og suporta sa mga kalampusan sa mga Butuanon aron madasig kining maningkamot sa pagkab-ot sa tinguhang maayong kaugmaon sa matag usa ug sa syudad sa Butuan tungod sa dakung posibilidad nga kontribusyon niini sa pagpasaka sa ekonomiya sa syudad.