Gilibot ug gimonitor sa mga Agricultural Extension Workers sa City Agricultural and Veterinary Department sa lokal nga panggamhanan sa Butuan ang nagkadaiyang tanum sa mga Agriboost Champion Farmers sa syudad sa Butuan. Kini aron makita ang tubo ug kundisyon sa mga tanum samtang anaa na kini sa flowering stage. Usa sa nabisitahan sa team ang tanum ni Susan Aparre sa Barangay Sumilihon asa nakita ang himsog ug maayong tubo sa mga tanum labi na ang anaa sulod sa green house facility. Si Susan Aparre usa sa Agriboost Champion Farmer nga nakadawat og libreng green house facility gikan sa Agriboost Project nga gitutukan ni Mayor Ronnie Vicente Lagnada aron mabag-o ang kahimtang sa mga mag-uuma sa dakbayan.