Gi-ila ug gipasidunggan sa lokal nga panggamhanan sa Butuan ang sakripisyo ug gugma sa mga Oldest Survivor Veterans o ang Oldest Surviving Post World War II atol sa ika 82nd nga Araw ng Kagitingan ug Philippines Veterans Day nga gipahigayon sa Butuan City Public Library, kaganinang buntag. Usa niini ang Veteran Awardee nga si Melecio Adamat Lala 83 years old. Nadawat niini ang Award of Merit ug cash award kauban sa uban pang mga beterano. Tagsa-tagsa silang gitimbaya ug gipasalamatan nila Butuan City Vice Mayor Lawrence Fortun, Sangguniang Panlungsod Members, Atty. William Dela Cruz, PNP-PRO 13 Regional Director PBGEN Kirby John Kraft, Deputy Brigade Commander 402nd Infantry Brigade PA COL. Emil Cruz, 15RCDG ARESCOM Commander COL. Jonathan Obena INF (GSC), 23IB Commander LTC. Jeffrey Balingao, OIC Philippine Veterans Affairs Office Dulce Sta. Iglesia ug Mutya Hong Butuan ladies. Ang mga beterano mao ang nagsakripisyo, nakiglaban ug nakigbisog sa mga kaaway sa panahon sa World War II alang sa kagawasan nga naangkon sa tanang Pilipino. Giila ug misaludar ang mga opisyales sa kaisog sa mga beteranong kasundaluhan ug kapulisan nga walay kahadlok nga mipakita sa gugma sa nasud og misukol sa mga kalaban nga angayan lamang himuong inspirasyon sa bag-ong henerasyon.