𝗠𝗚𝗔 𝗦𝗣 𝗠𝗘𝗠𝗕𝗘𝗥 𝗨𝗚 𝗘𝗠𝗣𝗟𝗘𝗬𝗔𝗗𝗢 𝗦𝗔 𝗦𝗔𝗡𝗚𝗚𝗨𝗡𝗜𝗔𝗡𝗚 𝗣𝗔𝗡𝗟𝗨𝗡𝗚𝗦𝗢𝗗 𝗦𝗔 𝗕𝗨𝗧𝗨𝗔𝗡 𝗚𝗜𝗣𝗔𝗜𝗟𝗔𝗪𝗢𝗠 𝗦𝗔 𝗦𝗧𝗥𝗔𝗧𝗘𝗚𝗜𝗖 𝗣𝗟𝗔𝗡𝗡𝗜𝗡𝗚 𝗪𝗢𝗥𝗞𝗦𝗛𝗢𝗣
March 06 2023, Monday 05:00 PM
Gipailawom sa duha ka adlaw nga Strategic Planning Workshop ang mga miyembro sa Sangguniang Panlungsod ug mga empleyado niini miaging semana.
Kini isip pagpangandam sa pagpatuman sa rationalization ug re-organization.
Importante ang strategic planning sa operations aron makakuha sa saktong plano, structure ug solusyon alang sa pagpalambu sa mga tahas ug performance subay sa direktiba ni Mayor Ronnie Vicente Lagnada. Usa sab kini sa giya nga matigom ang ideya ug impormasyon nga magkahiusa sa tumong ug tinguha sa pagpalapad sa serbisyo pinaagi sa paghimo og lig-on nga lehislatibo nga haum sa panginahanglanon sa syudad ug katawhan.
Gipresentar ni John Martin Alviar, City Mayors Office Consultant ang city government rationalization plan ug SP rationalization ug reorganization base sa desinyo ug guidelines nga aprobado ni Mayor Lagnada. Tungod niini, nakita ang dakong kabag-uhan asa unang makabenipisyo ang mismong mga empleyado ug labaw sa tanan mas mapalambo ug mapasayon niini ang paghatod sa serbisyo sa katawhan.
Bout ni Vice Mayor Fortun nga magkahiusa ang sundong direksyon sa sangguniang panlungsod ug local executive branch aron makabaton og lig-on ug malahutayong programa ug proyekto alang sa katawhang Butuanon.
Nahimong Resource Speaker sa Strategic Planning Workshop tuig 2023 si DILG City Director Charisa Guerta, CESO V.
NEWS ARTICLES