"Kini nga aktibidad kay daku kayo og tabang para sa amoa. Daghan kaayo mi og na learn nga lesson nga gisulti sa mga speaker." Mapasalamaton si Barangay MJ Santos SK Chairperson Sheree Asley Castro sa lokal nga panggamhanan sa Butuan pinaagi sa CEMD – Public Information Division sa pagpahigayon sa duha ka adlaw nga Writing and Mobile Photography Workshop sa Grand Palace Hotel and Convention, miaging semana. Usa lang si Castro sa 43 ka Sangguniang Kabataan Chairperson sa syudad ang aktibo nga nipartisipar sa ikaduhang adlaw sa aktibidad. Tumong sa aktibidad nga mapalapdan ang kahibalo sa mga SK Chairperson sa insaktong pagsulat og news ug feature article sama sa mga maanindot nga suroyanan o kaha pagkaon nga makita sa mismo nilang barangay lakip ang mga aktibidad nga ilang gitanyag alang sa katawhan. Suportado sa LGU Butuan ang nasangpit nga aktibidad sa pagpanguna ni City Mayor Ronnie Vicente Lagnada kauban ang 16th Sangguniang Panlungsod.