Gatusan ka mga kababayen-an gikan sa mga barangay sa syudad ang naka benepisyo sa gitanyag nga mga serbisyong medikal sa upat ka Main Health Center sa syudad nga gilangkuban sa Ampayon Health District, Obrero Health District, Libertad Health District, ug Bilay Health District. Ang kalihukan agig pag saulog sa National Women’s Month. Gipilahan ang Medical Consultation, PWD Certification, Laboratory Services sama sa CBC, BloodTyping, Dengue Test, Covid Antigen Test, FBS, Hbsag, HIV, ug Syphilis. Daghan usab ang nakabenepisyo sa libreng Dental Services nga gilangkuban sa Dental Check-up ug ibot sa ngipon. Gihatag sab sa mga kababayen-an ang SDI Insertion lakip na ang VI with Acetic Acid. Mahinungdanon ang mga serbisyong medikal nga gihatag kanila aron mahatag sa ila ang pag-ila hilabi na sa dakung papel nila sa pamilya ug sa komunidad. Pinaagi sa mga programa ug serbisyo nga makuha sa mga kababayen-an sa Lokal nga Panggamhanan gipaabot ni Mayor Ronnie Vicente Lagnada ang ka-mahinungdanon sa ilang papel sa panimalay ug sa komunidad. Dako ang paghatag sa LGU-Butuan og atensyon sa mga panginahanglan sa mga kababayen-an.