Naimbitahan ang mga nagkadaiyang organisasyon sa mga Senior Citizen sa syudad nga aktibong gitambungan sa pipila ka miyembro niini para sa usa ka Orientation-Workshop kalabot na sa Gender and Development kon GAD. Gipahibalo kanila ang mga nagkadaiyang nasudnong balaud sama sa RA 9262 o ang Anti-Violence Against Women and their Children RA 9262; ang RA 9710 o Magna Carta for Women; RA 11313 o Safe Spaces Act; ug RA 9208 o Anti-Trafficking in Persons. Tumong sa panag tapok nga mapalawman pa ngadto sa mga Senior Citizen ang pagpasabot kanila sa ilang mga katungod sa komunidad ilabi na sa mga kababayen-an aron hugtanong malikayan ang pag pang abuso kanila. Usa ang nasangpit nga sektor nga labing gitagaan og susama niini nga oryentasyon subay na sa mandato ni Butuan City Mayor Ronnie Vicente Lagnada aron mas makahibalo ang mga Senior Citizen sa ilang katungod sa komunidad.