Gidagsa sa mga Senior Citizen kauban ang ilang mga pamilya ang Elderly Filipino Week Culmination Program, adlawng biyernes sa Robinsons Place Butuan. Ang Elderly Filipino Week ginasaulog kada Oktubre 1 hangtod Oktubre 7, matag tuig. Daghan nga mga barangay ang miapil sa mga contest atol na sa gipahigayon nga Culmination Program sa Elderly Filipino Week. Nagtigi ang mga Senior Citizen sa matag barangay sa Harana, Folk Dance, ug Chorale contest. Nagdala og hugyaw ang mga nagkadaiyang performance sa mga katigulanangan. Sa Harana,1st Runner Up ang Barangay Doongan nga nakadawat og 5,000 pesos; 2nd Runner Up ang Barangay Obrero nga lakip na midawat og 3,000 pesos; 3rd Runner Up ang Barangay Agusan Pequeño nga nakadawat og 2,000 pesos; ug nakadawat og consolation prize ang Barangay Bit-os ug Maguinda. Sa Folk Dance, 1st Runner Up ang Barangay Tandang Sora nga midawat og 5,000 pesos; 2nd Runner Up ang Barangay Florida nga nakakuha og 3,000 pesos; 3rd Runner Up ang Barangay Doongan nga midawat sab og 2,000 pesos; ug consolation prize sa Barangay Agusan Pequeño ug Barangay Amparo. Sa chorale contest, nahimong 1st Runner Up ang Barangay Golden Ribbon nga midawat og 8,000 pesos; 2nd Runner Up ang Barangay Limaha nga giuli ang 5,000 pesos; 3rd Runner Up ang Barangay Obrero nga midawat sab og 3,000 pesos; ug giuli sa Barangay Doongan ug Barangay Amparo ang Consolation Prize. Labing gikalipay ni Mayor Ronnie Vicente Lagnada ang kalihukan alang sa mga Senior Citizen tungod mas maabot sa Lokal nga Panggamhanan sa Butuan ang nasangpit nga sektor ug mapaabot kanila kung unsa kamapasalamaton ang Lokal nga Panggamhanan sa dakung papel nga gihatag nila sa kauswagan sa komunidad.