Gipang apud apod ngadto na sa mga kabataan sa Sinaka IPED Elementary School sa Barangay Anticala ning syudad ang mga school supplies, Pebrero 28. Gipangunahan kini ni Mutya Hong Butuan 2023 Shayne Khietly Mellijor pinaagi sa iyang adbokasiya nga nga Edu-Action: Education with Action. Gihingusgan niya kini nga adbokasiya kay daku iyang pagtuo nga usa sa isyu nga kinahanglan i-address sa komunidad mao ang mga kabataan nga wala nahatagan og oportunidad sa pag eskwela, kadtong mga out of school youth o bisan paman kadtong mga estudyante nga nag lisud pag eskwela. Gipili niya mismo ang Sinaka IPED Elementary School tungod nakita niya ang kakulangon sa mga learning materials nga usa sa factor nganong nag lisud ang mga estudyante. Gawas sa mga school supplies nahatagan sab og mga Loot Bags, Wrist Watch, Lunch Boxes, Snacks, Slippers, ug Clothes and Supplies. Duna sab nag hatag og kwarta nga gidugang nila og palit sa mga lunch boxes. Malipayon si Mutya Shayne sa pinakaunang kalampusan sa iyang adbokasiya ug nanghinaot nga masundan kini para mas daghan pa nga mga bata ang makabenepisyo sa adbokasiya nga iyang gipangunahan dinhi sa syudad sa Butuan. Kauban niini ang Rotary Club of Butuan District 3860, Psychology Student sa CSU ug FSUU, Butuan City Division Youth Formation Program, ANHS, BCSAT, Libertad, 29th Infantry Battalion, Triskellion AMA Chapter, Rover Scout sa ANHS, Mutya Hong Butuan - Youth and Education Ambassadress 2023 Hazel Anne Montilla, LGU Butuan pinaagi sa City Tourism and Cultural Affairs Department ug Public Information Division, Adfil Corporation ug Tribal Council of Barangay Anticala.