Midawat og discount voucher sa fertilizer ug soil ameliorant ang 1,057 Rice Farmers gikan sa 45 ka barangay ning syudad nga gipahigayon sa Baan km3 Covered Court, kagahapon. Kini sa tinguhang masuportahan ang mga mag-uuma sa galastusan sa farm inputs sa kasamtangang cropping season. Una pa midawat sa discount voucher ang mga rice farmers, gipasabot una sila sa mga Agriculture Technician sa importansya sa fertilizer ug soil ameliorant sa tanum nga humay. Kini aron mahatag sa tanum ang insaktong nutrients ug mo-improve ang soil health ug fertility sa ingon maayu ang tubo ug performance sa tanum. Gipangunahan sa City Agriculture and Veterinary Department sa lokal nga panggamhanan sa Butuan ang aktibidad uban sa Department of Agriculture Caraga. Tungod niini nga inisyatibo mas matabangang mauswag ang produksyon o makabaton og maayong ani sa homay ang nagkadaiyang Rice Farmers sa dakbayan sa Butuan.